ಚಿಂಚೋಳಿ ವನ್ಯಜೀವಿ ಧಾಮದಲ್ಲಿ ಪ್ಲಾಸ್ಟಿಕ್ ಸ್ವಚ್ಛತೆ ಅಭಿಯಾನ
ಚಿಂಚೋಳಿ: ತಾಲ್ಲೂಕಿನ ವನ್ಯಜೀವಿ ಧಾಮದ ವ್ಯಾಪ್ತಿಯಲ್ಲಿ ಬರುವ ಲಕ್ಷ್ಮಾಸಾಗರ ಗ್ರಾಮದ ಅರಣ್ಯದಲ್ಲಿ 72ನೇ ವನ್ಯಜೀವಿ ಸಪ್ತಾಹ ಅಂಗವಾಗಿ ಅರಣ್ಯದಲ್ಲಿರುವ ರಸ್ತೆ ಪಕ್ಕದಲ್ಲಿ ಬಿದ್ದಿದ್ದ ಪ್ಲಾಸ್ಟಿಕ್ ಮತ್ತು ಇತರೆ ತ್ಯಾಜ್ಯಗಳನ್ನು ಶುಕ್ರವಾರ ಸ್ವಚ್ಛತೆ ಮೂಲಕ ತೆರವುಗೊಳಿಸಿದರು.
ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಸುನೀಲ ಚವ್ಹಾಣ ನೇತೃತ್ವದಲ್ಲಿ ವನ್ಯಜೀವಿ ಧಾಮದ ವಲಯ ಅರಣ್ಯಾಧಿಕಾರಿ ಸಂಜೀವಕುಮಾರ ಚವ್ಹಾಣ ಮತ್ತು ಪ್ರಾದೇಶಿಕ ವಲಯ ಅರಣ್ಯಾಧಿಕಾರಿ ಜಗನ್ನಾಥ ಕೊರಳ್ಳಿ ಹಾಗೂ ಅರಣ್ಯ ಇಲಾಖೆಯ ಸಿಬ್ಬಂದಿ ಸ್ವಚ್ಛತೆಗಾಗಿ ಶ್ರಮದಾನ ನಡೆಸಿದರು.
ಲಕ್ಷ್ಮಾಸಾಗರ ಗ್ರಾಮಸ್ಥರಿಗೆ ವನ್ಯಜೀವಿಗಳ ಮಹತ್ವ ಹಾಗೂ ಕಾಡಿನ ಪ್ರಯೋಜನ ಕುರಿತು ತಿಳಿವಳಿಕೆ ನೀಡಿದರು.
ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ರಾಮಕೃಷ್ಣ ಕೊರಡಂಪಳ್ಳಿ, ಉಪ ವಲಯ ಅರಣ್ಯಾಧಿಕಾರಿಗಳಾದ ಸಿದ್ಧಾರೂಢ ಹೊಕ್ಕುಂಡಿ, ಪ್ರಭು ಜಾಧವ, ವೀರಭದ್ರ ಜಗದೀಶ, ಸಂತೋಷ ತೆಂಗಳಿ, ಮದರಸಾಬ್ ಮತ್ತು ವೀರಣ್ಣಗೌಡ, ಮಾಳಪ್ಪ, ಹಾಲೇಶ, ಹಣಮಂತ, ಶಿವರಾಜ, ಸಂಗನಬಸು, ದೇವರಾಜ, ಅನೀಸ, ಚನ್ನಬಸವ ಇದ್ದರು.