ಚಾಮರಾಜನಗರ ಪ್ರಿಯ ಸ್ಥಳ: ಡಿಕೆಶಿ
ಹನೂರು: ಚಾಮರಾಜನಗರ ಪ್ರಿಯವಾದ ಸ್ಥಳವಾಗಿದ್ದು, ಎಲ್ಲ ವರ್ಗದವರಿಗೆ ಆಶ್ರಯ ನೀಡಿರುವ ಪುಣ್ಯಭೂಮಿಯಾಗಿದೆ. ಮಲೆ ಮಹದೇಶ್ವರನ ನೆಲೆಯಲ್ಲಿ ಸಂಸ್ಕಾರವೇ ಪ್ರಮುಖ ಆಸ್ತಿಯಾಗಿದೆ ಎಂದು ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಜಿಲ್ಲೆಯ ಬಗ್ಗೆ ಅಭಿಮಾನ ವ್ಯಕ್ತಪಡಿಸಿದರು.
ಹನೂರು ತಾಲ್ಲೂಕಿನ ಹೆಲಿಪ್ಯಾಡ್‌ನಲ್ಲಿ ಮಾತನಾಡಿದ ಮುಖ್ಯಮಂತ್ರಿ ‘ನನ್ನ ಕ್ಷೇತ್ರದ ಸಾವಿರಾರು ಮಂದಿ ಭಕ್ತಿಯಿಂದ ಪ್ರತಿವರ್ಷ ಪಾದಯಾತ್ರೆ ಮೂಲಕ ಕಾವೇರಿ ನದಿ ದಾಟಿ ಮಲೆ ಮಹದೇಶ್ವರನ ಕ್ಷೇತ್ರ ಸಹಿತ ಧಾರ್ಮಿಕ ಕೇಂದ್ರಗಳಿಗೆ ಭೇಟಿನೀಡುತ್ತಾರೆ.
‘ನಾನು ಕೂಡ ಹಿಂದೆ ಸಿದ್ದಪ್ಪಾಜಿ ದೇವಾಲಯಕ್ಕೆ ಪಾದಯಾತ್ರೆ ಬಂದಿದ್ದೇನೆ. ಪ್ರತಿ ವರ್ಷ ಸಂಕ್ರಾಂತಿ ಬಳಿಕ ಸಿದ್ದಪ್ಪಾಜಿಗೆ ಪೂಜೆ ಮಾಡುವುದು ಕುಟುಂಬದ ಸಂಪ್ರದಾಯ. ಕ್ಷೇತ್ರದಲ್ಲಿ ಕುಟುಂಬಕ್ಕೆ ಸೇರಿದ ಆಸ್ತಿ ಇದ್ದು ಅಲ್ಲಿ ಸಮುದಾಯ ಭವನ ನಿರ್ಮಾಣ ಮಾಡುವ ಆಲೋಚನೆ ಇದೆ ಎಂದು ಹೇಳಿದರು.