ಶಿಕ್ಷಕರ ಹೆಸರಿನ ಮುಂದೆ 'Tr' ಬಳಸಲು ಸರ್ಕಾರದಿಂದ ಅನುಮತಿ

ಶಿಕ್ಷಕರ ಹೆಸರಿನ ಮುಂದೆ 'Tr' ಬಳಸಲು ಸರ್ಕಾರದಿಂದ ಅನುಮತಿ

ಜೇವರ್ಗಿ: ಶಿಕ್ಷಕರು ತಮ್ಮ ಹೆಸರಿನ ಮುಂದೆ Tr. (ಟೀಚರ್) ಎಂಬ ಗೌರವಸೂಚಕ ಬಳಸಲು ಸರ್ಕಾರ ಅನುಮತಿ ನೀಡಿದ್ದಕ್ಕೆ ರಾಜ್ಯ ಸರ್ಕಾರಿ ನೌಕರರ ಸಂಘದ ತಾಲ್ಲೂಕು ಅಧ್ಯಕ್ಷ ದಾನಪ್ಪಗೌಡ ಹಳಿಮನಿ ಹರ್ಷ ವ್ಯಕ್ತಪಡಿಸಿದ್ದಾರೆ.

Tr. ಎಂಬುದು ಕೇವಲ ಎರಡು ಅಕ್ಷ ರವಲ್ಲ. ಅದು ಶಿಕ್ಷಕರ ನಿರಂತರ ಸೇವೆ, ತ್ಯಾಗ ಮತ್ತು ಸಮಾಜಕ್ಕೆ ನೀಡುವ ಕೊಡುಗೆ ಪ್ರತಿನಿಧಿಸುವ ಗೌರವದ ಸಂಕೇತವಾಗಿದೆ. ಶಿಕ್ಷಕರ ದಿನಾಚರಣೆ ಸಂದರ್ಭದಲ್ಲಿಯೇ ಸರ್ಕಾರ ಈ ಆದೇಶ ಹೊರಡಿಸಿರುವುದು ಸಕಾಲಿಕ ಹಾಗೂ ಸೂಕ್ತವೂ ಆಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.