ಪ್ರಜಾವಾಣಿ ವರದಿ ಪರಿಣಾಮ: ದುರಸ್ತಿಗೊಂಡ ಕುಡಿಯುವ ನೀರಿನ ಶುದ್ಧೀಕರಣ ಘಟಕ
ಹೊಸದುರ್ಗ: ತಾಲ್ಲೂಕಿನ ಮತ್ತೋಡು ಹೋಬಳಿಯ ಕಂಚೀಪುರ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ದೊಡ್ಡಕರ್ಪೂರದ ಕಟ್ಟೆಯ ಕುಡಿಯುವ ನೀರು ಶುದ್ಧೀಕರಣ ಘಟಕವನ್ನು ಅಧಿಕಾರಿಗಳು ದುರಸ್ತಿಗೊಳಿಸಿದ್ದು, ಜನರಿಗೆ ಶುದ್ಧ ಕುಡಿಯುವ ನೀರಿನ ಸೌಲಭ್ಯ ದೊರಕಿದೆ.
‘ಮೂರು ತಿಂಗಳಿಂದ ದುರಸ್ತಿಯಾಗದೇ ಇದ್ದ ಘಟಕವನ್ನು ಅಧಿಕಾರಿಗಳು ಸರಿಪಡಿಸಿದ್ದಾರೆ. ನೀರಿಗಾಗಿ ಐದಾರು ಕಿ.ಮೀ ಕ್ರಮಿಸುವ ಅಗತ್ಯವಿಲ್ಲ. ‘ಪ್ರಜಾವಾಣಿ’ಯಲ್ಲಿ ವರದಿ ಪ್ರಕಟ ಆದ ಕೂಡಲೇ ದುರಸ್ತಿ ಕಾರ್ಯ ಮಾಡಲಾಗಿದೆ’ ಎಂದು ಗ್ರಾಮಸ್ಥರು ಸಂತಸ ವ್ಯಕ್ತಪಡಿಸಿದರು.
‘ದುರಸ್ತಿಯಾಗದ ನೀರಿನ ಘಟಕ’ ಶೀರ್ಷಿಕೆಯಡಿ ಸೆ. 17ರಂದು ‘ಪ್ರಜಾವಾಣಿ’ಯಲ್ಲಿ ವರದಿ ಪ್ರಕಟ ಆಗಿತ್ತು.