ತುಮಕೂರು ಮಾರುಕಟ್ಟೆ: ತೋತಾಪುರಿ ಮಾವು ಕೆ.ಜಿಗೆ ₹300ಕ್ಕೆ ಏರಿಕೆ
ತುಮಕೂರು: ಮಾರುಕಟ್ಟೆಯಲ್ಲಿ ಹಣ್ಣುಗಳ ಬೆಲೆ ಏರಿಕೆಯಾಗಿದ್ದು, ತೋತಾಪುರಿ ಮಾವು ಕೆ.ಜಿ ₹300ರ ಗಡಿ ತಲುಪಿದೆ.
ಮಾವಿನ ಹಣ್ಣುಗಳ ಋತುವಿನ ಸಮಯದಲ್ಲಿ ತೋತಾಪುರಿ ಮಾವು ಕೆ.ಜಿ ₹60ರಿಂದ ₹80 ಇರುತ್ತಿತ್ತು. ಈಗ ನಾಲ್ಕು ಪಟ್ಟು ಜಾಸ್ತಿಯಾಗಿದೆ. ಕಳೆದ ಎರಡು– ಮೂರು ವಾರಗಳಿಂದ ಎಲ್ಲ ಹಣ್ಣುಗಳ ದರದಲ್ಲಿ ಹೆಚ್ಚಳವಾಗುತ್ತಿದೆ. ಏಲಕ್ಕಿ ಬಾಳೆ ಕೆ.ಜಿ ₹110, ಪಚ್ಚಬಾಳೆ ₹40, ಸೀಬೆ ₹180, ಕರಬೂಜ ₹90ಕ್ಕೆ ಮಾರಾಟವಾಗುತ್ತಿದೆ.
ದುಬಾರಿಯಾಗಿದ್ದ ನಿಂಬೆ ಹಣ್ಣಿನ ಬೆಲೆ ಯಥಾಸ್ಥಿತಿ ಕಾಯ್ದುಕೊಂಡಿದೆ. ಒಂದಕ್ಕೆ ₹8ರಿಂದ ₹10 ಇದೆ. ಅಂತರಸನಹಳ್ಳಿ ಮಾರುಕಟ್ಟೆಯಲ್ಲಿ ಸೌತೆಕಾಯಿ 1ಕ್ಕೆ ₹10–₹15 ಇದ್ದು, ಹೊರಗಡೆ ಚಿಲ್ಲರೆಯಾಗಿ ಒಂದಕ್ಕೆ ₹20 ಪಡೆಯುತ್ತಿದ್ದಾರೆ. ಬಟಾಣಿ ತೇಜಿಯಾಗಿದ್ದು, ಬದನೆಕಾಯಿ ಅಗ್ಗವಾಗಿದೆ.
ಬಟಾಣಿ ಕೆ.ಜಿ ₹120ರಿಂದ ₹140ಕ್ಕೆ ಜಿಗಿದಿದೆ. ಬದನೆಕಾಯಿ ಕೆ.ಜಿ ₹10–₹15ಕ್ಕೆ ಕುಸಿದಿದೆ. ಬೆಳ್ಳುಳ್ಳಿ ಕೆ.ಜಿ ₹160–₹180ರಂತೆ ಗ್ರಾಹಕರು ಖರೀದಿಸುತ್ತಿದ್ದಾರೆ. ಕೊತ್ತಂಬರಿ ಸೊಪ್ಪು ಕೆ.ಜಿ ₹20–₹30, ಮೆಂತ್ಯ ಕೆ.ಜಿ ₹30–₹40, ಸಬ್ಬಕ್ಕಿ ಕೆ.ಜಿ ₹25–₹30, ಪಾಲಕ್ ಸೊಪ್ಪು (ಕಟ್ಟು) ₹30ಕ್ಕೆ ಮಾರುಕಟ್ಟೆಯಲ್ಲಿ ಸಿಗುತ್ತಿದೆ.
ಎರಡು ವಾರಗಳಿಂದ ತೊಗರಿ ಬೇಳೆ, ಕಡಲೆ ಬೇಳೆ ದುಬಾರಿಯಾಗುತ್ತಿದೆ. ತೊಗರಿ ಕೆ.ಜಿ ₹135 ಇದೆ. ಕಡಲೆಕಾಯಿ ಎಣ್ಣೆ ಕೆ.ಜಿ ₹185–₹190, ಗೋಲ್ಡ್ವಿನ್ನರ್ ಕೆ.ಜಿ ₹178–₹180, ಪಾಮಾಯಿಲ್ ಕೆ.ಜಿ ₹145–₹150ಕ್ಕೆ ಮಾರಾಟ ಮಾಡಲಾಗುತ್ತಿದೆ.
ಏಲಕ್ಕಿ ಕೊಂಚ ಇಳಿಕೆ: ಏಲಕ್ಕಿ ದರದಲ್ಲಿ ಸ್ವಲ್ಪ ಕುಸಿತ ಕಾಣುತ್ತಿದೆ. ಏಲಕ್ಕಿ ಕೆ.ಜಿ ₹4,000–₹4,200 ಇದೆ. ಎರಡು ವಾರದ ಹಿಂದೆ ₹4,400 ಇತ್ತು. ದನಿಯ ಕೆ.ಜಿ ₹190–₹240, ಬ್ಯಾಡಗಿ ಮೆಣಸಿನಕಾಯಿ ಕೆ.ಜಿ ₹480–₹520, ಗೌರಿಬಿದನೂರು ಖಾರದ ಮೆಣಸಿನಕಾಯಿ ಕೆ.ಜಿ ₹250–₹280, ಕಾಳುಮೆಣಸು ಕೆ.ಜಿ ₹740–₹780, ಜೀರಿಗೆ ₹250–₹280.
ಚಕ್ಕೆ ಕೆ.ಜಿ ₹260–₹280, ಲವಂಗ ಕೆ.ಜಿ ₹920–₹960, ಗುಣಮಟ್ಟದ ಗಸಗಸೆ ಕೆ.ಜಿ ₹1,450–₹1,600, ಬಾದಾಮಿ ಕೆ.ಜಿ ₹1,080–₹1,120, ಗೋಡಂಬಿ ಕೆ.ಜಿ ₹780–₹980, ಒಣ ದ್ರಾಕ್ಷಿ ಕೆ.ಜಿ ₹360–₹440ರಂತೆ ಮಂಡಿಪೇಟೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ.
ಕೋಳಿ ಮಾಂಸ ಏರಿಕೆ: ಶ್ರಾವಣ ಮುಗಿಯುತ್ತಿದ್ದಂತೆ ಕೋಳಿ ಮಾಂಸದ ಬೆಲೆಯಲ್ಲಿ ಏರಿಕೆಯಾಗಿದೆ. ಕಳೆದ ವಾರ ಬ್ರಾಯ್ಲರ್ ಕೆ.ಜಿ ₹100 ಇತ್ತು, ಈ ವಾರ ₹130 ಆಗಿದೆ. ಫಾರಂ ಕೆ.ಜಿ ₹150, ರೆಡಿ ಚಿಕನ್ ಕೆ.ಜಿ ₹160ರಿಂದ ₹200, ಸ್ಕಿನ್ಲೆಸ್ ಕೆ.ಜಿ ₹180ರಿಂದ ₹220ಕ್ಕೆ ಜಿಗಿದಿದೆ.
ಮೀನಿನ ಧಾರಣೆ ಮತ್ತಷ್ಟು ಕುಸಿತವಾಗಿದೆ. ಅಂಜಲ್ ಕೆ.ಜಿ ₹700, ಬಿಳಿಮಾಂಜಿ ಕೆ.ಜಿ ₹1,200, ಕಪ್ಪುಮಾಂಜಿ ₹910, ಇಂಡಿಯನ್ ಸಾಲ್ಮನ್ ₹1,060, ಬಂಗುಡೆ ₹300, ಸೀಗಡಿ ಕೆ.ಜಿ ₹500–750, ಬೂತಾಯಿ ₹340ಗೆ ನಗರದ ಜಿಲ್ಲಾ ಕ್ರೀಡಾಂಗಣ ಪಕ್ಕದ ಮತ್ಸ್ಯದರ್ಶಿನಿಯಲ್ಲಿ ಸಿಗುತ್ತಿದೆ.