Meta: ₹2.39 ಕೋಟಿ ಸಂಬಳದ ಕೆಲಸ ತೊರೆದ ಜೇಸನ್ ಶೆನ್; ಸ್ಟಾರ್ಟ್ಅಪ್ ತರಬೇತಿಯಿಂದ ಯಶಸ್ಸಿನ ಹೊಸ ಪಯಣ!
ಇತ್ತೀಚಿನ ದಿನಗಳಲ್ಲಿ ಕೆಲಸ ಬಿಡುವುದಕ್ಕೆ ಮುಂಚೆ ಜನರು ಸಾವಿರ ಬಾರಿ ಯೋಚನೆ ಮಾಡುವಂತೆ ಆಗಿದೆ. ಹೊಸ ಕೆಲಸಗಳು ಸೃಷ್ಟಿಯಾಗುತ್ತಿಲ್ಲ. ಅಲ್ಲದೆ ಈಗಾಗಲೇ ಇರುವ ಪ್ರತಿಷ್ಠಿತ ಕಂಪನಿಗಳು ಸಹ ಕೆಲಸದಿಂದ ಜನರನ್ನು ತೆಗೆದು ಹಾಕುತ್ತಿದೆ. ಈ ನಡುವೆ ಹೆಚ್ಚಿನ ಸಂಬಳ ಬರುವ ಟೆಕ್ ಕೆಲಸಕ್ಕೆ ರಾಜೀನಾಮೆ ನೀಡುವವರ ಸಂಖ್ಯೆಯು ಸಹ ವಿರಳವಾಗಿದೆ. ಅದರಲ್ಲೂ ಆರು ಅಂಕಿಗಳ ಸಂಬಳ ಮತ್ತು ಉತ್ತಮ ಸ್ಟಾಕ್ ಪ್ರಯೋಜನಗಳು ಸಿಗುತ್ತಿದ್ದಾಗ ಕೆಲಸ ಬಿಡುವುದು ಸುಲಭದ ವಿಷಯವೇ ಅಲ್ಲ. ಆದರೆ ಜೇಸನ್ ಶೆನ್ಗೆ ಎನ್ನುವವರು ಕೇವಲ ಆರ್ಥಿಕ ಭದ್ರತೆ ವಿಷಯವನ್ನು ನೋಡಲಿಲ್ಲ. ಮೆಟಾದಲ್ಲಿ ಸುಮಾರು ಮೂರು ವರ್ಷ ಕೆಲಸ ಮಾಡಿದ ಬಳಿಕ, ಅವರು ತಮ್ಮ ಕೆಲಸಕ್ಕೆ ರಾಜೀನಾಮೆ ನೀಡಿ, ಸ್ಟಾರ್ಟ್ಅಪ್ ಸಂಸ್ಥಾಪಕರಿಗೆ ತರಬೇತಿ ನೀಡುವುದನ್ನೇ ತಮ್ಮ ಹೊಸ ವೃತ್ತಿಯನ್ನಾಗಿ ಆಯ್ಕೆ ಮಾಡಿಕೊಂಡಿದ್ದಾರೆ. ಇದು ಅವರಿಗೆ ಭಾರೀ ಯಶಸ್ಸನ್ನೂ ಸಹ ತಂದುಕೊಟ್ಟಿದೆ.
40 ವರ್ಷದ ಜೇಸನ್ ಶೆನ್ ಅವರು ಸಂಬಳ ಮತ್ತು ಬೋನಸ್ ಮೂಲಕ ವಾರ್ಷಿಕ 2.39 ಕೋಟಿ ರೂಪಾಯಿ ನಗದು ಪರಿಹಾರವನ್ನು ಗಳಿಸಿದ ನಂತರ ಜೂನ್ 2023 ರಲ್ಲಿ ಮೆಟಾ ಸಂಸ್ಥೆಯನ್ನು ತೊರೆದರು. ಅವರು ಈಗಾಗಲೇ ಇದರೊಂದಿಗೆ ಸ್ಟಾರ್ಟ್ಅಪ್ ಸಂಸ್ಥಾಪಕರಿಗೆ ತರಬೇತಿ ನೀಡಲು ಪ್ರಾರಂಭಿಸಿದ್ದರು. ಅಂತಿಮವಾಗಿ ಅದನ್ನು 2024 ರಲ್ಲಿ ಪೂರ್ಣ ಸಮಯದ ವ್ಯವಹಾರವಾದ ರಿಫ್ಯಾಕ್ಟರ್ ಲ್ಯಾಬ್ಸ್ ಆಗಿ ಪರಿವರ್ತಿಸಲು ನಿರ್ಧರಿಸಿದರು ಎಂದು ಬಿಸಿನೆಸ್ ಇನ್ಸೈಡರ್ ವರದಿ ಮಾಡಿದೆ.
ಮೆಟಾದಿಂದ ಹೊಸ ಆಯ್ಕೆಯ ವರೆಗೆ ಜೇಸನ್ ಶೆನ್ ಪಯಣ
ಮೆಟಾ ಸಂಸ್ಥೆಯನ್ನು ಬಿಡುವ ಮೊದಲು ಜೇಸನ್ ಶೆನ್ ಅವರು ಪ್ರಭಾವಶಾಲಿ ತಂತ್ರಜ್ಞಾನ ವೃತ್ತಿಜೀವನವನ್ನು ಕಟ್ಟಿಕೊಂಡಿದ್ದರು. ಎಟ್ಸಿಯಲ್ಲಿ ಎರಡು ವರ್ಷಗಳನ್ನು ಕಳೆದ ನಂತರ ಫೇಸ್ಬುಕ್ ಸ್ವಾಧೀನಪಡಿಸಿಕೊಂಡಿದ್ದ ತಂತ್ರಜ್ಞಾನ ಕಂಪನಿಯನ್ನು ಸ್ಥಾಪಿಸಿದರು ಮತ್ತು ನಂತರ ಮೆಟಾದಲ್ಲಿ ಕ್ರಿಯೇಟರ್ ಮ್ಯಾನೇಜರ್ ಆಗಿ ಕೆಲಸ ಮಾಡಿದರು. ಜೇಸನ್ ಶೆನ್ ಅವರ ಲಿಂಕ್ಡ್ಇನ್ ಪ್ರೊಫೈಲ್ ಪ್ರಕಾರ, ಅವರ ವೃತ್ತಿಜೀವನದ ಪಥವು ಮೆಟಾದಲ್ಲಿ ಮೂರು ವರ್ಷಗಳ ಅವಧಿ ಆಗಿದೆ. ಮೇ 2022 ರಿಂದ ಜೂನ್ 2023 ರವರೆಗೆ ಫೇಸ್ಬುಕ್ನಲ್ಲಿ ಪ್ರಾಡೆಕ್ಟ್ ಮ್ಯಾನೇಜರ್ ಆಗಿ ಕೆಲಸ ಮಾಡಿದ್ದರು.
ಜೇಸನ್ ಶೆನ್ ಮೆಟಾ ಸಂಸ್ಥೆ ತೊರೆದಿದ್ದು ಯಾಕೆ ?
ಜೇಸನ್ ಶೆನ್ ಅವರು ಪ್ರತಿಭಾನ್ವಿತ ಸಹೋದ್ಯೋಗಿಗಳೊಂದಿಗೆ ಕೆಲಸ ಮಾಡುವುದನ್ನು ಆನಂದಿಸುತ್ತಿದ್ದರು. ಅವರ ಕೆಲಸ ಕ್ರಮೇಣ ಒತ್ತಡಮಯವಾಗಿತ್ತು. ದಿನ ನಿತ್ಯದ ಸಭೆಗಳು, ದಾಖಲೆಗಳ ವಿಮರ್ಶೆಗಳು, ಮರುಸಂಘಟನೆಗಳು ಮತ್ತು ಕಂಪನಿಯೊಳಗಿನ ನಿರಂತರ ಬದಲಾವಣೆಗಳಿಗೆ ಅವರ ಕೆಲಸ ಕೂಡಿತ್ತು. ಒಂದೊಮ್ಮೆ ಅವರು ಹೆಚ್ಚು ಆನಂದಿಸಿದ ಕೆಲಸವು ಅವರಿಗೆ ಆನಂದ ನೀಡುತ್ತಿಲ್ಲ ಎನ್ನುವುದನ್ನು ತಿಳಿದುಕೊಂಡರು.
ಸಹೋದ್ಯೋಗಿಗಳಿಗೆ ಮಾರ್ಗದರ್ಶನ ನೀಡುವುದು, ಕಾರ್ಯಾಗಾರಗಳನ್ನು ಸುಗಮಗೊಳಿಸುವುದು ಮತ್ತು ಜನರು ಅಭಿವೃದ್ಧಿ ಹೊಂದಲು ಸಹಾಯ ಮಾಡುವುದು ಅವರಿಗೆ ಸ್ವಾಭಾವಿಕವಾಗಿ ಬಂದಿತು. ಅದು ಅವರನ್ನು ಕಾರ್ಯನಿರ್ವಾಹಕ ತರಬೇತಿಯತ್ತ ಚಿಂತಿಸುವಂತೆ ಮಾಡಿತು. ವೃತ್ತಿಜೀವನವನ್ನು ಬದಲಾಯಿಸಲು ನಿರ್ಧರಿಸುವ ಮೊದಲು ಶೆನ್ ಸ್ಟಾರ್ಟ್ಅಪ್ ಸಂಸ್ಥಾಪಕರಿಗೆ ತರಬೇತಿ ನೀಡಲು ಪ್ರಾರಂಭಿಸಿದ್ದರು.
ಇನ್ನು ಉತ್ತಮ ಸಂಬಳದ ತಂತ್ರಜ್ಞಾನದ ಕೆಲಸವನ್ನು ಬಿಟ್ಟು ವ್ಯವಹಾರವನ್ನು ಪ್ರಾರಂಭಿಸುವುದು ಹಣಕಾಸಿನ ಅಪಾಯಗಳನ್ನು ಸಹ ಒಳಗೊಂಡಿತ್ತು. ಕಂಪನಿಯನ್ನು ಪ್ರಾರಂಭಿಸುವ ಮೊದಲು ಜೇಸನ್ ಶೆನ್ ಅವರು 1.44 ಕೋಟಿ ರೂಪಾಯಿ ಹಣವನ್ನು ಉಳಿತಾಯ ಮಾಡಿದ್ದರು.
ಜೇಸನ್ ಶೆನ್ ಅವರು ಮೆಟಾದಲ್ಲಿ ಹೆಚ್ಚಿನ ಸಂಬಳದ ಕೆಲಸವನ್ನು ಹೊಂದಿದ್ದರು ಮತ್ತು ತಂತ್ರಜ್ಞಾನ ಉದ್ಯಮದಲ್ಲಿ ಉತ್ತಮ ವೃತ್ತಿಜೀವನವನ್ನು ನಿರ್ಮಿಸಿದ್ದರು. ಆದರೆ ಕಂಪನಿಯಲ್ಲಿ ಸುಮಾರು ಮೂರು ವರ್ಷಗಳ ನಂತರ, ಅವರು ಸ್ಟಾರ್ಟ್ಅಪ್ ಸಂಸ್ಥಾಪಕರಿಗೆ ತರಬೇತಿ ನೀಡುವ ವಿಷಯವನ್ನು ಆಯ್ಕೆ ಮಾಡಿಕೊಂಡರು ಎಂದು ಹೇಳಲಾಗಿದೆ.