ಟೇಬಲ್‌ ಟೆನಿಸ್‌: ಭಾರತ ತಂಡಗಳ ಅಭಿಯಾನಕ್ಕೆ ತೆರೆ

ಟೇಬಲ್‌ ಟೆನಿಸ್‌: ಭಾರತ ತಂಡಗಳ ಅಭಿಯಾನಕ್ಕೆ ತೆರೆ

ಟೊಯೊಟಾ (ಪಿಟಿಐ): ಭಾರತ ಮಹಿಳಾ ತಂಡವು ಇಲ್ಲಿ ನಡೆಯುತ್ತಿರುವ ಏಷ್ಯನ್‌ ಗೇಮ್ಸ್‌ ಟೇಬಲ್‌ ಟೆನಿಸ್‌ ಕ್ವಾರ್ಟರ್‌ ಫೈನಲ್‌ನಲ್ಲಿ ಉತ್ತರ ಕೊರಿಯಾ ವಿರುದ್ಧ ಸೋತು ಹೊರಬಿದ್ದರೆ, ಪುರುಷರ ತಂಡವು 16ರ ಘಟ್ಟದಲ್ಲೇ ಅಭಿಯಾನ ಮುಗಿಸಿತು.

ಥಾಯ್ಲೆಂಡ್‌ ತಂಡವನ್ನು ಸೋಲಿಸಿ ಎಂಟರ ಘಟ್ಟಕ್ಕೆ ಲಗ್ಗೆಯಿಟ್ಟಿದ್ದ ಭಾರತದ ಮಹಿಳಾ ತಂಡವು 0–3ರಿಂದ ಉತ್ತರ ಕೊರಿಯಾ ವಿರುದ್ಧ ಹೀನಾಯ ಸೋಲು ಅನುಭವಿಸಿತು.

ಇದಕ್ಕೂ ಮೊದಲು ಕರ್ನಾಟಕದ ಯಶಸ್ವಿನಿ ಘೋರ್ಪಡೆ ಅವರ ಅಮೋಘ ಆಟದ ಬಲದಿಂದ ಭಾರತ 3–2ರಿಂದ ಥಾಯ್ಲೆಂಡ್‌ ತಂಡವನ್ನು ಮಣಿಸಿತ್ತು. ಯಶಸ್ವಿನಿ ಅವರು ತಮ್ಮ ಎರಡೂ ಪಂದ್ಯಗಳಲ್ಲಿ ಗೆಲುವು ಸಾಧಿಸಿದ್ದರು.

ಭಾರತ ಪುರುಷರ ತಂಡವು 0–3ರಿಂದ ದಕ್ಷಿಣ ಕೊರಿಯಾ ತಂಡಕ್ಕೆ ಸುಲಭವಾಗಿ ಮಣಿಯಿತು.