ಸಿದ್ದಾಪುರದಲ್ಲಿ ಉತ್ತಮ ಮಳೆ: ಕೃಷಿಕರಲ್ಲಿ ಸಂತಸ
ಸಿದ್ದಾಪುರ: ಸಿದ್ದಾಪುರ ಸೇರಿದಂತೆ ಸುತ್ತಮುತ್ತಲ ವ್ಯಾಪ್ತಿಯಲ್ಲಿ ಗುರುವಾರ ಉತ್ತಮ ಮಳೆಯಾಗಿದೆ. ಮದ್ಯಾಹ್ನದ ಬಳಿಕ ದಿಢೀರ್ ಮಳೆ ಸುರಿದಿದ್ದು, ಕೃಷಿಕರು ಹಾಗೂ ಕಾಫಿ ಬೆಳೆಗಾರರ ಮೊಗದಲ್ಲಿ ಮಂದಹಾಸ ಮೂಡಿದೆ.
ಕಳೆದ ಕೆಲವು ವಾರಗಳಿಂದ ಬಿಸಿಲಿನ ಬೇಗೆಯಿಂದ ತತ್ತರಿಸಿದ ಜನತೆ ಮಳೆಯಿಂದಾಗಿ ನಿಟ್ಟುಸಿರು ಬಿಡುವಂತಾಗಿದೆ. ಅರೆಕಾಡು, ನೆಲ್ಯಹುದಿಕೇರಿ, ಗುಹ್ಯ, ಇಂಜಲಗರೆ ಸೇರಿದಂತೆ ವಿವಿಧ ಬಾಗದಲ್ಲಿ ಮಳೆಯಾಗಿದೆ. ಕೆಲವು ಪ್ರದೇಶದಲ್ಲಿ ಒಂದು ತಾಸು ಮಳೆ ಸುರಿಯಿತು.
ಕುಶಾಲನಗರದ ಹಲವೆಡೆ ಮೋಡ ಕವಿದ ವಾತಾವರಣ ಕಂಡುಬಂದಿದ್ದು ನಂಜರಾಯಪಟ್ಟಣ, ದುಬಾರೆ ಸೇರಿದಂತೆ ನೆರೆಯ ಕೊಣನೂರಿನಲ್ಲಿ ಮಳೆ ಸುರಿದಿದೆ.