ಮಂಗಳೂರು | ರಾಯರ ಆರಾಧನೆ: ಕಾರ್ಯಕ್ರಮ ವೈವಿಧ್ಯ

ಮಂಗಳೂರು | ರಾಯರ ಆರಾಧನೆ: ಕಾರ್ಯಕ್ರಮ ವೈವಿಧ್ಯ

ಮಂಗಳೂರು: ನಗರದ ಜೋಡುಮಠ ರಸ್ತೆಯ ಶ್ರೀ ಗುರು ರಾಘವೇಂದ್ರ ಸ್ವಾಮಿ ಬೃಂದಾವನ ಟ್ರಸ್ಟ್ ಆಯೋಜಿಸಿರುವ ರಾಘವೇಂದ್ರಗುರು ಸಾರ್ವಭೌಮರ 3 ದಿನಗಳ ಆರಾಧನಾ ಮಹೋತ್ಸವ ವೈವಿಧ್ಯಮಯ ಕಾರ್ಯಕ್ರಮಗಳೊಂದಿಗೆ ಶನಿವಾರ ಆರಂಭಗೊಂಡಿತು. 

ಬೆಳಿಗ್ಗೆ ಕೂಟಮಹಾಜಗತ್ತು ಶ್ರೀ ಗುರು ಭಜನಾ ಬಳಗ, ಸಮತಾ ಬಳಗ, ಸಂಜೆ ಶ್ರೀ ದೇವಿ ಭಜನಾ ಮಂಡಳಿ, ಶ್ರೀ ಹಯಗ್ರೀವ ಭಜನಾ ಮಂಡಳಿ ಪ್ರಸ್ತುತಪಡಿಸಿದ ಭಜನೆ ಭಕ್ತಿಭಾವ ಹಬ್ಬಿತು. ಬೆಳಿಗ್ಗೆ ತಡಂಬೈಲು ದುರ್ಗಾಂಬ ಯಕ್ಷಗಾನ ಮಂಡಳಿಯವರು ವಾಲಿ ಮೋಕ್ಷ ತಾಳಮದ್ದಳೆ ನಡೆಸಿಕೊಟ್ಟರು. ಸಂಜೆ ಕದ್ರಿ ಮಹಿಳಾ ಯಕ್ಷಕೂಟದವರ ತಾಳಮದ್ದಳೆ ‘ಧ್ರುವ ಚರಿತ್ರೆ’ಯು ಧ್ರುವನ ಹರಿಭಕ್ತಿಯ ವೈಭವ ಸಾರಿತು. 

ಶ್ರೀನಿವಾಸ ಐಗಳ್ ತಂಡದ ಭಕ್ತಿಗೀತೆ, ಗೋಪಾಲಕೃಷ್ಣ ಬಳಗದ ಸುಗಮ ಸಂಗೀತ ಕಾರ್ಯಕ್ರಮಗಳೂ ಮನಮುದಗೊಳಿಸಿದವು.