ಚಿತ್ರದುರ್ಗ: ಜಿಲ್ಲಾ ಸರ್ಜನ್‌ ಬಳಿ ₹ 8 ಕೋಟಿ ಮೌಲ್ಯದ 5 ಮನೆ

ಚಿತ್ರದುರ್ಗ: ಜಿಲ್ಲಾ ಸರ್ಜನ್‌ ಬಳಿ ₹ 8 ಕೋಟಿ ಮೌಲ್ಯದ 5 ಮನೆ

ಚಿತ್ರದುರ್ಗ: ಜಿಲ್ಲಾ ಸರ್ಜನ್‌ ಬಳಿ ₹ 8 ಕೋಟಿ ಮೌಲ್ಯದ 5 ಮನೆ

ಚಿತ್ರದುರ್ಗ: ಆದಾಯ ಮೀರಿ ಆಸ್ತಿ ಗಳಿಸಿದ ಆರೋಪದ ಮೇಲೆ ಬುಧವಾರ ದಾಳಿ ನಡೆಸಿದ ಲೋಕಾಯುಕ್ತ ಅಧಿಕಾರಿಗಳು ಜಿಲ್ಲಾ ಶಸ್ತ್ರ ಚಿಕಿತ್ಸಕ ಎಸ್.ಪಿ. ರವೀಂದ್ರ ಅವರ ಬಳಿ ₹ 10 ಕೋಟಿ ಹಾಗೂ ತೂಕ ಮತ್ತು ಅಳತೆ ಇಲಾಖೆಯ ಇನ್‌ಸ್ಪೆಕ್ಟರ್‌ ವೆಂಕಟೇಶಪ್ಪ ಅವರ ಬಳಿ ₹ 2.2 ಕೋಟಿಗೂ ಅಧಿಕ ಆಸ್ತಿಯನ್ನು ಪತ್ತೆ ಮಾಡಿದ್ದಾರೆ.

ಡಾ. ಎಸ್.ಪಿ.ರವೀಂದ್ರ ಅವರ ನಿವಾಸ, ಖಾಸಗಿಯಾಗಿ ನಡೆಸುವ ಗ್ಲೋಬಲ್ ನರ್ಸಿಂಗ್ ಹೋಮ್, ಅವರ ಮಾವನ ಮನೆ, ಕಚೇರಿ ಸೇರಿ 5 ಕಡೆ ದಾಳಿ ನಡೆಸಿ ಪರಿಶೀಲಿಸಿದ ಲೋಕಾಯುಕ್ತ ಸಿಬ್ಬಂದಿ, ಚಳ್ಳಕೆರೆ ರಸ್ತೆಯಲ್ಲಿ ಅರಮನೆಯಂತಹ 5 ಅಂತಸ್ತಿನ ಭಾರಿ ಮನೆ ಕಂಡು  ಆಶ್ಚರ್ಯಚಕಿತರಾದರು.

₹ 8 ಕೋಟಿ ಮೌಲ್ಯದ 5 ಮನೆಗಳು, ₹ 40 ಲಕ್ಷ ಮೌಲ್ಯದ 4 ನಿವೇಶನಗಳು, ₹ 30 ಲಕ್ಷ ಮೌಲ್ಯದ ಕೃಷಿ ಭೂಮಿ, ₹ 30.73 ಲಕ್ಷ ಮೌಲ್ಯದ ಒಡವೆಗಳು, ₹ 1.50 ಕೋಟಿ ಮೌಲ್ಯದ ವಾಹನಗಳು, ₹ 1.86 ಲಕ್ಷ ಮೌಲ್ಯದ ಇತರ ಆಸ್ತಿ ದಾಖಲೆಗಳು ಪತ್ತೆಯಾಗಿವೆ. ಆದಾಯ ಮೀರಿ ಶೇ 267ರಷ್ಟು ಹೆಚ್ಚು ಆಸ್ತಿ ಪತ್ತೆಯಾಗಿವೆ ಎಂದು ಲೋಕಾಯುಕ್ತ ಸಿಬ್ಬಂದಿ ತಿಳಿಸಿದರು.

ತೂಕ ಮತ್ತು ಅಳತೆ ಇಲಾಖೆಯ ವೆಂಕಟೇಶಪ್ಪ ಅವರ ಮನೆ, ಕಚೇರಿ ಸೇರಿ 4 ಕಡೆ ಪರಿಶೀಲಿಸಲಾಯಿತು. ₹ 21 ಲಕ್ಷ ನಗದು ಪತ್ತೆಯಾಗಿದ್ದು ಅದನ್ನು ಪುತ್ರಿಯ ವಿವಾಹಕ್ಕೆ ಸಂಗ್ರಹಿಸಿರುವುದಾಗಿ ವೆಂಕಟೇಶಪ್ಪವರು ತಿಳಿಸಿದ್ದಾಗಿ ಲೋಕಾಯುಕ್ತ ಸಿಬ್ಬಂದಿ ವಿವರಿಸಿದರು.

₹ 1.1 ಕೋಟಿ ಮೌಲ್ಯದ ಮನೆ, ₹ 48 ಲಕ್ಷ ಮೌಲ್ಯದ ಚಿನ್ನಾಭರಣ, ₹ 10 ಲಕ್ಷ ಮೌಲ್ಯದ ನಿವೇಶನ, ₹ 5 ಲಕ್ಷ ಮೌಲ್ಯದ ಕೃಷಿ ಭೂಮಿ, ₹ 37 ಲಕ್ಷದ ಇತರ ಆಸ್ತಿ ದಾಖಲೆಗಳು ಪತ್ತೆಯಾಗಿವೆ. ಆದಾಯ ಮೀರಿ ಶೇ 247ರಷ್ಟು ಹೆಚ್ಚು ಆಸ್ತಿ ಸಂಪಾದಿಸಿದ್ದಾರೆ ಎಂದು ಅವರು ಮಾಹಿತಿ ನೀಡಿದರು.

Post a Comment

If u have any queries, Please let us know

Previous Post Next Post
ಜಿಲ್ಲೆ
ಉಡುಪಿ, ಉತ್ತರ ಕನ್ನಡ ಇತ್ಯಾದಿ
ಉಡುಪಿ ಉತ್ತರ ಕನ್ನಡ ಕಲಬುರಗಿ ಕೊಡಗು ಕೊಪ್ಪಳ ಕೋಲಾರ ಗದಗ ಚಾಮರಾಜನಗರ ಚಿಕ್ಕಬಳ್ಳಾಪುರ
ಚಿಕ್ಕಮಗಳೂರು ಚಿತ್ರದುರ್ಗ ತುಮಕೂರು ದಕ್ಷಿಣ ಕನ್ನಡ ದಾವಣಗೆರೆ ಧಾರವಾಡ ಬಳ್ಳಾರಿ ಬಾಗಲಕೋಟೆ ಬೀದರ್
ಬೆಳಗಾವಿ ಬೆಂಗಳೂರು ಬೆಂಗಳೂರು ಗ್ರಾಮಾಂತರ ಮೈಸೂರು ಮಂಡ್ಯ ಯಾದಗಿರಿ ರಾಮನಗರ ರಾಯಚೂರು ವಿಜಯನಗರ
ಶಿವಮೊಗ್ಗ ಹಾವೇರಿ ವಿಜಯಪುರ ಹಾಸನ