ಮೈಸೂರು ದಸರಾ: ಜನರ ನಿಯಂತ್ರಣಕ್ಕೆ ಪೊಲೀಸರ ಹರಸಾಹಸ
ಮೈಸೂರು: ಮೆರವಣಿಗೆ ಆರಂಭವಾಗುತ್ತಿದ್ದಂತೆ ಪ್ರಮುಖ ವೃತ್ತದಲ್ಲಿ ಸೇರಿರುವ ಜನ ಬ್ಯಾರಿಕೇಡ್ ತಳ್ಳಿ ಮುಂದೆ ಬರಲು ಯತ್ನಸಿಸುತ್ತಿದ್ದು, ಅವರನ್ನು ತಡೆಯಲು ಪೊಲೀಸರು ಹರಸಾಹಸ ಪಡುತ್ತಿದ್ದಾರೆ.
ಚಾಮರಾಜೇಂದ್ರ ವೃತ್ತ, ಕೆ.ಆರ್ ವೃತ್ತ, ದೇವರಾಜ ಮಾರುಕಟ್ಟೆ, ಆಯುರ್ವೇದಿಕ್ ವೃತ್ತಗಳ ಜನರ ತಳ್ಳಾಟ ಹೆಚ್ಚಾಗಿದ್ದು, ಜನರ ನಡುವೆ ಸಿಲುಕಿಕೊಂಡ ಮಹಿಳೆಯರು, ಮಕ್ಕಳನ್ನು ಪೊಲೀಸರು ರಕ್ಷಿಸಿ, ಬ್ಯಾರಿಕೇಡ್ ನಿಂದ ಹೊರಗೆ ಕೂರಿಸಿದರು. ಅಸ್ವಸ್ಥರಾದ ಮಹಿಳೆಯರನ್ನು ಆಂಬುಲೆನ್ಸ್ ಮೂಲಕ ಸ್ಥಳೀಯ ಆಸ್ಪತ್ರೆಗೆ ಕರೆದೊಯ್ದರು.