ದೊಡ್ಡಬಳ್ಳಾಪುರದಲ್ಲಿ 950 ಕೋಳಿ ಸಾವು: ಚಿರತೆ ದಾಳಿ ಶಂಕೆ
ದೊಡ್ಡಬಳ್ಳಾಪುರ: ತಾಲ್ಲೂಕಿನ ಸೋಮಶೆಟ್ಟಿಹಳ್ಳಿ ಕೋಳಿಫಾರ್ಮ್ನಲ್ಲಿ ಶನಿವಾರ ತಡರಾತ್ರಿ 950ಕ್ಕೂ ಅಧಿಕ ಕೋಳಿಗಳು ಮೃತಪಟ್ಟಿವೆ. ಚಿರತೆ ಹೆಜ್ಜೆ ಗುರುತು ಆಧಾರಿಸಿ, ಅವುಗಳ ದಾಳಿಯಿಂದಲೂ ಮೃತಟ್ಟಿರಬಹುದು ಎಂದು ಶಂಕಿಸಲಾಗಿದ್ದು, ನಿಖಿರ ಕಾರಣ ತಿಳಿದು ಬಂದಿಲ್ಲ.
ಕೆಂಪೇಗೌಡ ಎಂಬುವರು ಸುಮಾರು 10 ಸಾವಿರಕ್ಕೂ ಅಧಿಕ ಕೋಳಿಮರಿಗಳನ್ನು ಸಾಕಿದ್ದರು. ಭಾನುವಾರ ಬೆಳಗಿನ ಜಾವ 3 ಗಂಟೆ ವೇಳೆಗೆ ಚಿರತೆ ದಾಳಿ ನಡೆಸಿರಬಹುದು ಎಂದು ಅಂದಾಜಿಸಲಾಗಿದೆ. ಈ ಸಂಬಂಧ ಫಾರ್ಮ್ ಮಾಲೀಕ ಅರಣ್ಯ ಇಲಾಖೆಗೆ ದೂರು ನೀಡಿದ್ದಾರೆ.
ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ ವಲಯ ಅರಣ್ಯ ಅಧಿಕಾರಿ ಹಂಸವಿ, ‘ಕೋಳಿ ಫಾರ್ಮ್ ನೆಲದಲ್ಲಿ ಚಿರತೆ ಹೆಜ್ಜೆ ಗುರುತು ಹೆಜ್ಜೆ ಇರುವ ಅನುಮಾನವಿದೆ. ಸುತ್ತಮುತ್ತ ಕ್ಯಾಮೆರಾ ಅಳವಡಿಸಿ ನಂತರ ದೃಢೀಕರಿಸಲಾಗುವುದು. ಮಾನದಂಡಗಳಂತೆ ಪರೀಶೀಲನೆ ನಡೆಸಿ ಮುಂದಿನ ಕ್ರಮ ಕೈಗೊಳ್ಳಲಾಗುವುದು’ ಎಂದು ತಿಳಿಸಿದರು.