Bengaluru Namma Metro: ವಿದೇಶದಿಂದ ಬೆಂಗಳೂರಿಗೆ ಬಂದ ಹೊಸ ಟ್ರೆಂಡ್; ಬಿಎಂಆರ್ಸಿಎಲ್ಗೆ ಹೆಚ್ಚಿದ ತಲೆನೋವು!
Bengaluru Namma Metro: ಬೆಂಗಳೂರು ನಮ್ಮ ಮೆಟ್ರೋ ಪ್ರಾರಂಭವಾಗಿ 15 ವರ್ಷ ಸಮೀಪಿಸುತ್ತಿದೆ. ಈ ರೀತಿ ಇರುವಾಗಲೇ ವಿಶ್ವದ ವಿವಿಧ ಪ್ರಮುಖ ನಗರಗಳಲ್ಲಿ ಪ್ರಾರಂಭವಾಗಿರುವ ಟ್ರೆಂಡ್ ಬೆಂಗಳೂರು ನಮ್ಮ ಮೆಟ್ರೋಗೂ ಸಹ ವಿಸ್ತರಿಸಿದ್ದು, ಬೆಂಗಳೂರಿನ ನಮ್ಮ ಮೆಟ್ರೋದ / ಬಿಎಂಆರ್ಸಿಎಲ್ ಅಧಿಕಾರಿಗಳಿಗೆ ತಲೆನೋವು ತಂದೊಡ್ಡಿದೆ. ಬೆಂಗಳೂರು ನಗರದಲ್ಲಿ ದಿನದಿಂದ ದಿನಕ್ಕೆ ಹೊಸ ಟ್ರೆಂಡ್ ವೈರಲ್ ಆಗುತ್ತಿದೆ. ಇದೇ ಟ್ರೆಂಡ್ ಅನ್ನು ಹಲವರು ಫಾಲೋ ಮಾಡುತ್ತಿದ್ದು, ಇದನ್ನು ನಿರ್ಬಂಧಿಸುವ ಸಾಧ್ಯತೆ ಇದೆ. ಇಷ್ಟಕ್ಕೂ ಬೆಂಗಳೂರಿನ ನಮ್ಮ ಮೆಟ್ರೋದಲ್ಲಿ ಪ್ರಾರಂಭವಾಗಿರುವ ಟ್ರೆಂಡ್ ಯಾವುದು, ಬಿಎಂಆರ್ಸಿಎಲ್ ಹೇಳುವುದೇನು ಎನ್ನುವ ಸಂಪೂರ್ಣ ವಿವರ ಈ ಲೇಖನದಲ್ಲಿದೆ.
ಅಮೆರಿಕ, ಇಂಗ್ಲೆಂಡ್ ಸೇರಿದಂತೆ ವಿವಿಧ ಪ್ರಮುಖ ದೇಶಗಳ ಮೆಟ್ರೋದಲ್ಲಿ ಪ್ರಾರಂಭವಾಗಿದ್ದ ಟ್ರೆಂಡ್ವೊಂದು ಇದೀಗ ಬೆಂಗಳೂರಿನ ನಮ್ಮ ಮೆಟ್ರೋಗೂ ಸಹ ವಿಸ್ತರಿಸಿದೆ. ಜೀವವನ್ನೇ ಪಣಕ್ಕಿಟ್ಟು / ಸಾಹಸ ಮಾಡಿ ಕೆಲವರು ಈ ಟ್ರೆಂಡ್ ಫಾಲೋ ಮಾಡುತ್ತಿದ್ದಾರೆ. ರೀಲ್ಸ್ - ವೀವ್ಸ್ ಕಾರಣಕ್ಕಾಗಿ ಈ ಹೊಸ ಟ್ರೆಂಡ್ ಬೆಂಗಳೂರಿನ ನಮ್ಮ ಮೆಟ್ರೋದಲ್ಲೂ ಸಹ ವೈರಲ್ ಆಗುತ್ತಿದೆ.
Bengaluru Namma Metro: ಏನಿದು ಹೊಸ ಟ್ರೆಂಡ್
ಚಲಿಸುವ ಮೆಟ್ರೋ ರೈಲುಗಳ ಕೋಚ್ ಕಿಟಕಿಗಳಿಗೆ ಮೊಬೈಲ್ ಫೋನ್ಗಳನ್ನು ಅಂಟಿಸಿ (ಮೊಬೈಲ್ ಫೋನ್ಗಳನ್ನು ಟೇಪ್ ಮೂಲಕ ಅಂಟಿಸುತ್ತಿರುವುದು) ರೀಲ್ಸ್ ಮಾಡುವುದು, ನಮ್ಮ ಮೆಟ್ರೋದ ರೈಲುಗಳ ಪಕ್ಕದಲ್ಲಿಯೇ ಓಡುವ ಟ್ರೆಂಡ್ ಅನ್ನು ಬೆಂಗಳೂರಿನಲ್ಲಿಯೂ ಹಲವು ಕಂಟೆಂಟ್ ಕ್ರಿಯೇಟರ್ಗಳು ಫಾಲೋ ಮಾಡುತ್ತಿದ್ದಾರೆ. ಮೆಟ್ರೋ ರೈಲಿಗೆ ಮೊಬೈಲ್ ಫೋನ್ ಸ್ಟಿಕ್ ಮಾಡಿ ಓಡುವ ಟ್ರೆಂಡ್ ಇದೀಗ ಬೆಂಗಳೂರು ನಗರದ ನಮ್ಮ ಮೆಟ್ರೋಗೂ ಸಹ ವಿಸ್ತರಿಸಿದೆ. ಪ್ರಯಾಣಿಕರ ಸುರಕ್ಷತೆ ಮತ್ತು ಸಾಮಾಜಿಕ ಮಾಧ್ಯಮ ವಿಷಯಕ್ಕಾಗಿ ಮೆಟ್ರೋ ಪ್ಲಾಟ್ಫಾರ್ಮ್ಗಳಲ್ಲಿ ಈ ಮಾದರಿಯಲ್ಲಿ ಮೊಬೈಲ್ ಫೋನ್ ಬಳಸಿ ರೀಲ್ಸ್ ಮಾಡುವುದು ಆತಂಕಕ್ಕೂ ಕಾರಣವಾಗಿದೆ.
ಸೋಶಿಯಲ್ ಮೀಡಿಯಾ / ಆನ್ಲೈನ್ನಲ್ಲಿ "ಫೋನ್-ಸ್ಟಿಕ್ಕಿಂಗ್ ಮತ್ತು ರನ್ನಿಂಗ್' ಎಂದು ಕರೆಯಲ್ಪಡುವ ಈ ಸಾಹಸದಲ್ಲಿ ಕಂಟೆಂಟ್ ಕ್ರಿಯೇಟರ್ ಮೆಟ್ರೋ ರೈಲಿನ ಒಳಗಿನಿಂದ ಚಿತ್ರೀಕರಣ ಮಾಡುತ್ತಿದ್ದರೆ, ಇನ್ನೊಬ್ಬ ಕಂಟೆಂಟ್ ಕ್ರಿಯೇಟರ್ ಮೊಟ್ರೋದ ಕೋಚ್ ಕಿಟಕಿಗೆ ಮೊಬೈಲ್ ಫೋನ್ ಅನ್ನು ಜೋಡಿಸುತ್ತಿರುವಂತೆ ಅಳವಡಿಸಲಾಗುತ್ತದೆ. ಮೆಟ್ರೋ ರೈಲು ಚಲಿಸಲು ಪ್ರಾರಂಭಿಸಿದಾಗ, ಪ್ಲಾಟ್ಫಾರ್ಮ್ನಲ್ಲಿರುವ ವ್ಯಕ್ತಿ ವೇಗವಾಗಿ ಹೋಗುತ್ತಿರುವ ರೈಲಿನ ಪಕ್ಕದಲ್ಲಿ ಓಡುತ್ತಾ, ಫೋನ್ ಕ್ಯಾಮೆರಾದಲ್ಲಿ ಕಾಣಿಸಿಕೊಳ್ಳಲು ಪ್ರಯತ್ನಿಸುತ್ತಾ ನೃತ್ಯ ಮಾಡುತ್ತಾನೆ ಅಥವಾ ಪೋಸ್ ಕೊಡುತ್ತಾನೆ. ಇದರಿಂದ ಬರುವ ದೃಶ್ಯಗಳು ಸಿನಿಮೀಯ ಟ್ರ್ಯಾಕಿಂಗ್-ಶಾಟ್ ಪರಿಣಾಮವನ್ನು ಸೃಷ್ಟಿಸುತ್ತವೆ, ಕ್ಯಾಮೆರಾ ವ್ಯಕ್ತಿಯ ಪಕ್ಕದಲ್ಲಿ ಚಲಿಸುತ್ತಿರುವಂತೆ ಕಾಣುವಂತೆ ತೋರುತ್ತದೆ. ಈ ಮಾದರಿಯ ಟ್ರೆಂಡ್ ಮೊದಲು ವಿದೇಶದಲ್ಲಿ ಪ್ರಾರಂಭವಾಗಿತ್ತು. ಇದೀಗ ಕ್ರಮೇಣ ಭಾರತದ ವಿವಿಧ ಪ್ರಮುಖ ನಗರಗಳಲ್ಲೂ ಪ್ರಾರಂಭವಾಗಿದೆ. ಕ್ರಮೇಣ ಇದು ಬೆಂಗಳೂರಿನ ನಮ್ಮ ಮೆಟ್ರೋಗೂ ಸಹ ವಿಸ್ತರಿಸಿದೆ.
Bengaluru Namma Metro: ಮೆಟ್ರೋ ಪ್ರಯಾಣಿಕರಿಗೆ ಕಿರಿಕಿರಿ!
ಬೆಂಗಳೂರು ಸೇರಿದಂತೆ ದೇಶಾದ್ಯಂತದ ಮೆಟ್ರೋ ವ್ಯವಸ್ಥೆಯಲ್ಲಿ ಈ ಮಾದರಿಯ ರೀಲ್ಸ್ ವೈರಲ್ ಆಗುತ್ತಿವೆ. ಪ್ರಯಾಣಿಕರ ಸುರಕ್ಷಿತೆಯ ಉದ್ದೇಶದಿಂದ ಮೀಸಲಿರಿಸಿರುವ ಮೆಟ್ರೋ ಪ್ಲಾಟ್ಫಾರ್ಮ್ಗಳನ್ನು ಅಪಾಯಕಾರಿ ಮಾದರಿಯಲ್ಲಿ ಅಥವಾ ಸೋಶಿಯಲ್ ಮೀಡಿಯಾದಲ್ಲಿ ಕೇವಲ ಟ್ರೆಂಡ್ ಆಗುವ ಕಾರಣಕ್ಕೆ ಬಳಕೆ ಮಾಡುತ್ತಿರುವುದು ಸಹ ತೀವ್ರ ಟೀಕೆಗೆ ಕಾರಣವಾಗಿದೆ. ವಿಶೇಷವಾಗಿ ಪೀಕ್ ಅವರ್ನಲ್ಲಿ ಹೆಚ್ಚು ಜನ ಇದರಿಂದ ಸಮಸ್ಯೆ ಎದುರಿಸುತ್ತಿದ್ದಾರೆ ಎಂದು ಹೇಳಲಾಗಿದೆ. ಇದು ಅಪಾಯಕಾರಿ ಪ್ರವೃತ್ತಿಯಾಗಿದ್ದು, ಇದನ್ನು ನಿಯಂತ್ರಿಸದಿದ್ದರೆ ಅಪಘಾತಗಳಿಗೆ ಕಾರಣವಾಗಬಹುದು. ಬೆಂಗಳೂರು ಮೆಟ್ರೋ ರೈಲು ನಿಗಮ ಲಿಮಿಟೆಡ್ (ಬಿಎಂಆರ್ಸಿಎಲ್) ಈ ನಿಟ್ಟಿನಲ್ಲಿ ಕಠಿಣ ಕ್ರಮ ತೆಗೆದುಕೊಳ್ಳಬೇಕು ಎಂದು ಹಲವು ಮೆಟ್ರೋ ಪ್ರಯಾಣಿಕರು, ನೆಟ್ಟಿಗರು ಒತ್ತಾಯಿಸಿದ್ದಾರೆ.