BREAKING NEWS : ವೆನೆಜುವೆಲಾದಲ್ಲಿ 7.5 ತೀವ್ರತೆಯ ಭೂಕಂಪ; 1 ಲಕ್ಷ ಜನರ ಸಾವು-ನೋವಿನ ಆತಂಕ, ಕುಸಿದ ಕಟ್ಟಡಗಳು!

ಕಾರಕಾಸ್ [ವೆನೆಜುವೆಲಾ]: ವೆನೆಜುವೆಲಾದ ರಾಜಧಾನಿ ಕಾರಕಾಸ್ ಸೇರಿದಂತೆ ದೇಶದ ಹಲವು ಭಾಗಗಳಲ್ಲಿ ಬುಧವಾರ ಸಂಜೆ ಎರಡು ಅತ್ಯಂತ ಶಕ್ತಿಶಾಲಿ ಸರಣಿ ಭೂಕಂಪಗಳು ಸಂಭವಿಸಿದ್ದು, ಭಾರೀ ಪ್ರಮಾಣದ ಆಸ್ತಿಪಾಸ್ತಿ ನಷ್ಟ ಹಾಗೂ ಸಾವು-ನೋವುಗಳು ಸಂಭವಿಸಿರುವ ಆತಂಕ ಎದುರಾಗಿದೆ. ಭೂಕಂಪದ ತೀವ್ರತೆಗೆ ನೂರಾರು ಕಟ್ಟಡಗಳು ನೆಲಸಮಗೊಂಡಿದ್ದು, ಜನರಲ್ಲಿ ತೀವ್ರ ಭೀತಿ ಆವರಿಸಿದೆ.

ಅಮೆರಿಕದ ಭೂವೈಜ್ಞಾನಿಕ ಸಮೀಕ್ಷೆ (USGS) ಪ್ರಕಾರ, ಈ ನೈಸರ್ಗಿಕ ವಿಕೋಪದಲ್ಲಿ ಸಾವಿನ ಸಂಖ್ಯೆ 10,000 ದಿಂದ 1,00,000 ಕ್ಕೆ ತಲುಪುವ ಸಾಧ್ಯತೆಯಿದೆ ಎಂದು ಅಂದಾಜಿಸಲಾಗಿದೆ.

ಯುಎಸ್ ಜಿಯೋಲಾಜಿಕಲ್ ಸರ್ವೆ (USGS) ಮಾಹಿತಿ ನೀಡಿದಂತೆ, ಮೊದಲ ಭೂಕಂಪವು ಕಾರಕಾಸ್ನಿಂದ ಪಶ್ಚಿಮಕ್ಕೆ ಸುಮಾರು 284 ಕಿಲೋಮೀಟರ್ ದೂರದಲ್ಲಿರುವ ‘ಸ್ಯಾನ್ ಫೆಲಿಪೆ’ ಬಳಿ ಗ್ರೀನ್ವಿಚ್ ಕಾಲಮಾನ (GMT) 22:04 ಕ್ಕೆ ಸಂಭವಿಸಿತು. ಇದರ ತೀವ್ರತೆ ರಿಕ್ಟರ್ ಮಾಪಕದಲ್ಲಿ 7.2 ರಷ್ಟಿತ್ತು.

ಇದಾದ ಕೆಲವೇ ಕ್ಷಣಗಳಲ್ಲಿ, ರಾಜಧಾನಿಯಿಂದ 293 ಕಿಲೋಮೀಟರ್ ಪಶ್ಚಿಮದಲ್ಲಿರುವ ‘ಯುಮಾರೆ’ ಎಂಬಲ್ಲಿ ಮತ್ತೊಂದು ಭೀಕರ ಭೂಕಂಪ ಸಂಭವಿಸಿತು. ಇದರ ತೀವ್ರತೆ ರಿಕ್ಟರ್ ಮಾಪಕದಲ್ಲಿ 7.5 ರಷ್ಟು ದಾಖಲಾಗಿದೆ. ಭೂಮಿಯ ಆಳದಲ್ಲಿ ಕೇವಲ 15 ಕಿಲೋಮೀಟರ್ ಆಳದಲ್ಲಿ ಈ ಕಂಪನಗಳು ಸೃಷ್ಟಿಯಾಗಿರುವುದರಿಂದ ಹಾನಿಯ ತೀವ್ರತೆ ಹೆಚ್ಚಾಗಿದೆ ಎಂದು ಭಾರತದ ರಾಷ್ಟ್ರೀಯ ಭೂಕಂಪನ ಕೇಂದ್ರ (NCS) ತಿಳಿಸಿದೆ.

“ದೇಶದಲ್ಲಿ ಭಾರಿ ಸಾವು-ನೋವುಗಳು ಮತ್ತು ವ್ಯಾಪಕ ಹಾನಿಯಾಗುವ ಸಾಧ್ಯತೆಯಿದ್ದು, ವಿಪತ್ತು ಅತ್ಯಂತ ತೀವ್ರ ಸ್ವರೂಪದಲ್ಲಿದೆ” ಎಂದು USGS ಎಚ್ಚರಿಸಿದೆ.

EQ of M: 6.8, On: 25/06/2026 03:34:32 IST, Lat: 10.451 N, Long: 68.352 W, Depth: 15 Km, Location: Venezuela.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @DrNKalaiselvi @GSuresh_NCS @ndmaindia pic.twitter.com/IpWR9cQ76n

— National Center for Seismology (@NCS_Earthquake) June 24, 2026

Mi corazón, mi abrazo infinito y mis oraciones están con cada hogar venezolano en estas horas de angustia.

Que la fortaleza, la serenidad y la solidaridad prevalezcan entre nosotros ante este difícil momento.

Que Dios proteja a cada venezolano, a nuestras familias y a…

— María Corina Machado (@MariaCorinaYA) June 24, 2026

source https://suddione.com/breaking-news-7-5-magnitude-earthquake-in-venezuela-fears-of-1-lakh-deaths-collapsed-buildings/